吳若希Po相次次遮大女眼有苦衷？為母之道：女要富養 男要窮養

身為兩孩之母的吳若希（Jinny）為迎接母親節，在Youtube個人頻道上傳新片，分享做當母親的心得。講到生BB前後的分別，吳若希形容整個人生都變得不一樣，以前是工作狂，每日只睡兩小時，是生存不是生活，沒有思想；自從有了小朋友後，發覺世界充滿色彩，特別是大女Giselle出現，令她知道自己錯過身邊太多美好的事。另一方面，消費模式亦大有差別，她說：「以前幾萬蚊買件衫唔會覺得肉赤，而家買自己衫平平哋就得，反而出街用喺小朋友身上嘅，使得仲大，買嘅都係小朋友嘅嘢！」

{{hket:inline-image name="04.jpg"}}{{/hket:inline-image}}

吳若希於個人網上頻道分享做人母前後的分別。（網上截圖）

{{hket:inline-image name="19.jpg"}}{{/hket:inline-image}}

細仔Kylian的出世，大女Giselle多了一個細佬，愛是有增無減。（網上截圖）

日日媽媽聲│吳若希自揭著舊衫上節目做嘉賓 毫不留情鬧爆老公Alex係垃圾 【下一頁】

現時大女Giselle四歲，細仔Kylian半歲，吳若希不時都有上載子女新相上'IG，但網民發現Giselle的照片不是大側面就是遮眼，不似細仔能夠見「全相」。吳若希為此事解謎，「因為喺社交網，大家對女仔嘅批評係特別衰格！我作為公眾人物，就算你喺工作上幾咁努力，都會有人用啲特別難聽嘅字眼（批評）。其實我聽到會好唔開心，咁多年嚟我有介意，但我又做唔到啲乜嘢；所以，作為一個公眾人物同媽咪，好明白女仔喺公眾環境下受到嘅攻擊、傷害都比較大！我唔想囡囡因為媽咪係公眾人物而被人去批判，我覺得女係要富養、仔係要窮養，女仔係要受到特別保護！」

「點解囝囝不用遮樣曝露於大家眼球底下？男仔如果被大眾認識，無形中會對佢構成壓力，令佢較為循規蹈矩，所以我就選擇唔遮眼，令囝囝習慣去面對公眾，將來唔會驚講嘢！」

（↓點擊圖片放大↓）

大女會呷細佬醋，覺得愛被分薄嗎？吳若希說最簡單的解決方法是「愛要講出口」，「我每日都會同阿女講『我好愛你，好掛住你』，呢樣嘢唔怕講，講出嚟佢先感受得到！同埋呢，陪伴都係愛嚟，我花好多時間陪阿女。當知有第二胎時，我好開心好期待，點樣令阿女都有呢種感覺呢？我哋會睇番佢細個嘅相，佢每次第一次，等佢明白自己BB時原來咁得意；而細佬係BB嚟，都係好得意嘅。如果小朋友覺得唔夠愛，其實係缺乏安全感，好大機會係父母家人給予嘅愛唔足夠，先會覺得愛被分薄。」

除了講湊B之道，吳若希亦指自己重拾纖瘦身段，花了不少努力，笑言︰「我唔係陳凱琳嗰種呀，唔好以為我冇肥過！」並公開一張「絕密脹爆孕照」，「你哋睇，好樣衰呀！圓形嚟㗎……我生完小朋友體重係68kg（約150磅），未生小朋友前係51kg（約112磅)，足足爆肥咗17kg！之後我停咗餵母乳，就用『168斷食法』同埋減少食攝取糖分，如澱粉質、飯、麵和麵包。至於炒米茶最適合產後一段時間當水飲，最緊要係做運動，咁先可以極速收身！我係Coffee（林芊妤）粉絲，有睇佢啲片跟學做瑜伽！」

（↓點擊圖片放大↓）

撰文：衛紫敏

晚吹-有酒今晚吹｜七仙羽化身譚仔姐姐講譚仔話吸金 竟然想撮合肥仔@ERROR同娟姐？【下一頁】